ފުރިހަމަ ތިބާގެ ޚުލްގުން ޒީނަތް މަ ވެސް ތިކޮށްދިން

       މުޙައްމަދު ޖަމީލް (2024)

ތިޔައޭ ސަބަބު ބަދަލުތައް، މޫސުންތަކަށް އިޔާދަވި،
        ތުޔައޭ ޚަރީފު މޫސުން، މި ބަހާރަކަށް ގެނަސްދިން،
ތިޔައޭ މަގޭ ޙަޔާތުގެ، އެކުވެރިއަކީ މި ދުނިޔޭ،
        ތިޔަ ވިސްނުމޭ މަ ފުރިހަމަ، މީހެއްކަމަށް ހަދައިދިން،
އުއްމީދުތައް މި އާކޮށް، ހިތްވަރުކުރަން މެ ބުނެދިން،
       ދުށް މީ ވަޤުތު ޙަޔާތުގަ، ވެއްޓުނު ކޮޅަށް ޖަހައިދިން،
ދަސްކޮށްދިނޭ އަޅާލާން، ޙިއްސާކުރަން މެ ކަންކަން،
     ދަސްކޮށްދިނޭ މި އޯގާ، ތެދުވެރިވުމަށް ކިޔައި ދިން،
އަރިހުން ތިބާގެ ދަސްވީ، ވާންވީ މި ލޯބި ކިހިނެއް،
     ފުރިހަމަ ތިބާގެ ޚުލްގުން، ޒީނަތް މަ ވެސް ތިކޮށްދިން.

މޯލްޑިވްސް ގެ ހަނދާން..

       މުޙައްމަދު ޖަމީލް (2024)

ނެތޭ ހަމަ ވިލާ އުޑު މަތީގައި އެރޭ،
         ގެތޭ ހާރަކުން ފިޔަޖަހާ ތަރި އެރޭ،
                 އޮތޭ ލިޔެވިނަން ތުނޑި ވެލީގައި އެރޭ،
                     ދެކޭ ހިތްވެ ރާނީ ނަޒަރު ދުށް އެރޭ.
**********
ކުޅޭ ޝަރަފުގައި ރާޅުތައް ސިންފަނީ،
      އުޅޭ ކޮވެލި ރޭ ލަވަޖަހާ ހާމަނީ،
             ގުޅޭ ރޯޅިވައި ގަސް އެ ރުށް ނަށުވަނީ،
                  ދެކޭ ހިތްވެ ރާނީ ………………….
____________________
އަނދިރި އަލި ކަމާ ރޭގެ ފުރިހަމަ ކަމާ،
      އުތުރި ހިތް އުފާވެރި އެ ހަނދުވަރު ލުމާ،
        އަތިރި އަލި ރެދަން ރީތިލައިފައި ވުމާ،
              ދެކޭ ހިތްވެ ރާނީ ………………….
________________________
ބުނީމޭ އެ މޯލްޑިވްސް އެހާރީތިކަން،
      ބުނީމޭ ހަދާނުން ނުދާނޭ އެތަން،
              ގުނީމޭ ދުވަސް ދާން ދަތުރުކޮށް ދެކެން،
                      ދެކޭ ހިތްވެ ރާނީ ………………….

ފޮނި ފޮނި ދިވެހި ބަސް މިއީ…

       މުޙައްމަދު ޖަމީލް (1996)

ފޮނިފޮނި ދިވެހިބަސް މިއީ، މަތިވެރި ފަޚުރަކަށް ވުމުން،
       އެކިފަންނުތައް އަދަބުގައި، ތަމްރީނުދީ ދަސްކުރަން،

ޝުކުރުގެ ޖިޒީ އަރުވަމުން، ޙަފްލާގަ ބައިވެރިވުމުން،
       ޖަލްސާގެ ޢިއްޒަތްތެރިން، މެހެމާނުނަށް، ދަންނަވަން،
            މިކަމާ ފިކުރުކޮށްލަމާ، އިތުރަށް ބަހުސް ކޮށްލަމުން،
                 ފޮނިފޮނި ދިވެހިބަސް………

އާންމުންގެ ސިއްޙަތު ގުޅޭ، ތާޒާ ވަޔާ ސާފުފެން،
      ވިސްނާ ސަލާމަތް އެދޭ، ތެލެސީމިޔާ ފަދަ ބަލިން،
          މިކަމާ ފިކުރުކޮށްލަމާ، އިތުރަށް ބަހުސްކޮށްލަމުން،
                ފޮނިފޮނި ދިވެހިބަސް މިއީ………

މަސްއޫލިޔަތު އުފުލަމާ، ކެރިގެން ޒުވާން ޖީލުދެން،
      ބިކަހާލުގައި ނުޖެހުމަށް، އާބާދީވީ ކުޑަކުރަން،
                        މިކަމާ ފިކުރުކޮށްލަމާ، އިތުރަށް ބަހުސް ކޮށްލަމުން,
                                 ފޮނިފޮނި ދިވެހިބަސް މިއީ……

ގެންނެވި ތަރިކަ ކާބަފައިން، ދެމެހެއްޓުމަށް ހިއްވަރުން،
        ގުލްފާމު، އޯކިޑް ފަދައިން، އަދަބީ ޗަމަންގައި ވިދުން،
             މިކަމާ ފިކުރުކޮށްލަމާ، އިތުރަށް ބަހުސް ކޮށްލަމުން,
                      ފޮނިފޮނި ދިވެހިބަސް މިއީ….

    ރީތި މިސާލެއް

ތި ހަނދު ……
މުޙައްމަދު ޖަމީލް (2020)

މި ކުދިކުދި މަސް ފުމެން ފެށުމުން،
    ތިޔަ ހޫރު ޕަރީ އަލި ފެނުމުން، އިރު ދިޔަ އޮއްސެން.

ތިޔައޭ ހަނދޭ މަގެ ހިތުގަވާ، ތިޔަ ނޫރަކީ މުޅިތަނުގަވާ،
      ނަލަ ރަންވެލިން ގިރިޓީ ވެފައި، ތުނޑިވެސް މިރޭ، ތި ހަނދައްޓަކައި، އޯ!
      މި ފިނިފިނި ރޯޅި ބީހިލުމުން، މިރޭ ޕަރީ ކަޝްފުވުމުން،
         އިރުދިޔަ އޮއްސެން، އިރު ދިޔަ އޮއްސެން.

އުދަރެސް މަތިން ފޮތިފޮތި ވިލާ، އުދުހޭ ގޮތުން ކުލަކުލަ އަރާ،
      ކުދި ރާޅުތައް މިޔުޒިކް ޖަހައި، އަޑުތައް މިރޭ ގާތުން އަހައި، އޯ!
     މި ފިނިފިނި ރޯޅި ބީހިލުމުން، މިރޭ ޒުވާނާ އައުމުން،
        ތަރިދޭ އަރަމުން، ތަރިދޭ އަރަމުން.

ދިގު ހިޔަނިތައް ރުއްތައް ގެނައި، ހަނދުވަރުގެ އަލިކަން ވެރިވުމުން،
         ތަރިތައް މިރޭ ފިޔަ ޖަހަޖަހާ، ރީތީގެ ރާނީ ދެކިލަނީ، އޯ!
       މި ކުދި ކުދި ދޫނި ލަވަޖެހުމުން، މިރޭ ޕަރީ އިސްނެގުމުން،
         ހައިރާން މިވަނީ، ހައިރާން މިވަނީ.

އިރުއޮއްސޭ ވަޤުތު
މުޙައްމަދު ޖަމީލް (2016)

ރާގު: އިންދިރާސުވެ ޙަޔާތުން އުޖާލާ…

އުޑުމަތިން އުދުހިދާ ފޮތިވިލާ މަދު،
  މަޑުމަޑުން ގެއްލި ކުލަ ފަނޑުވެލާ ހިނދު،
    އަޑުއަޑުން ކާޅުތައް ގޮވަ ގޮވާއަޑު، އުޑުމަތިން….

ރަތް ކުލައިން އުޑު ޖަރީ ކޮށްލަމުން، 
  އިރުދަނީ ތިރިވަމުން މަޑުމަޑުން،
    ރަތްވިލާތަކުތެރޭން ފިރުކެމުން،
      އެހެރަގެން އޮބިދަނީ އުދަރެހުން، އުޑުމަތިން….

ބީހެމުން ރާޅުތައް ގޮނުދޮށުގަ،
  ގެންނަ މިއުޒިކްގެ ފޮނި ރާގަކުން،
    ބީހުމުން ރޯޅިތައް ގައި ހަމުގަ،
      ހިއްސުތައް ހޭލަޔޭ ފިނިކަމުން، އުޑުމަތިން….

ކަޝްފުވެއްޖޭ އަދިރިކަން މިރޭ،
   ވީމަ ފަރުދާ އެއަލިކަން ދުވާލު،
     ގަސްރުކަށް ދޫނިތައް ގޮސްފިޔޭ،
      ހާލިތައް ހޯދުމަށް ނިމި ދުވާލު، އުޑުމަތިން…