ލައިރިކްސް

މީ ބަހެއް އެދޭ މަަދަސްކުރަން، ބަސް މޮށުންތެރިންގެ ފަންނުގައި ވިދަން،
        މީ ދިވެހިބަހޭ، ދެއްވި ކާބަފައިން، ރަމްޒުކޮށް މި ރާއްޖެ ނަންފަވަން،

އިންޑިޔާ ކަނޑުގެ މެދަށް މިތަންވުމުން، ހިންދުކަރަ އެހާ ބޮޑައްމެ ދުރުވުމުން،
      އުފެދުނޭ މި ބަސް، ވަކިވަކިން މުޅިން، ދިވެހިނަން މި ޤައުމުގައި ފަވަން،

ބަހުގެ މޮޅު ޤަވާޢިދެއް ހެދިފަ އޮތުން، ލިޔެކިޔަން ވަކިން އަކުރުތަކެއް ވުމުން،
     މާދަރީ ބަހެއް ލިބިފަވާކަމުން، ދިވެހި ބަސް މިއަށް ކިޔޭ ނަމުން،

ޅެން ބަހުރުވަ ވެސް ވެޔޭ ބައެއް ކަމުގަ، ޝާޢިރުން މި ދީބުގައި އުފެދިވުމުން،
     ފަންނުގައި މި ރޮނގު ވާނެ ކުރިއަރަން، ދިވެހި ބަހުގަ މޮޅުވުމަށް ކަތުން،