ޔަޤީނޭ މިދުނިޔޭ….
މުޙައްމަދު ޖަމީލް (2021)
ޔަޤީނޭ މިދުނިޔޭ، މިއީ ހަމަ ބިލާހެއް،
ހަޤީގަތް، ތިމާހަމަ، މިތަން ދޫ ކުރޭ،
ޔަޤީނޭ މި ތަނުގައި ޖަމާކުރި މުދާތައް،
އަގެއްނެތި ތިމާ އަތްމަތިން ދޫވެދޭ،
ނަފާ ހޯދުމަށް ރޭދުވާ ހޭދަކޮށް،
ހަވާ ނަފުސު ގެބިގެން، މި ލައްޒަތުތެރޭ،
ހަނދާންނެތި ތިމާ ދާނެ ބިމަކަށް ފަހުން،
ނުވާނަމަ އެތައްޔާރު ލަސްވެސް ވެދޭ،
ޚިޔާނާތް މި އިސްކޮށް އަދުލުވެރިކަމަށް،
ނުފޫޒާއި ބާރާއި ބޭނުންމެކޮށް،
ހަލާލެއް ޙަރާމެއް ބަލައިވެސް ނުލާ،
އުޅޭނަމަ އެތައްޔާރު ލަސްވެސް ވެދޭ،
އެނގޭހޭ މިއީ މަންޒިލެއް މަޑުކުރާ،
ތިމާކުރި ދަތުރު ނިންމުމަށް ބިން ވެޔޭ،
އެދޭކަށް އެތާގައި އެހީއެއް ނެތޭ،
މިކަން އެނގިމެ ތައްޔާރު ލަސްވެސް ވެދޭ