އުފަލުން ނަށާ މޫދާ ވިލާ..
މުޙައްމަދު ޖަމީލް
_____________
އުފަލުން ނަށާ މޫދާ ވިލާ، ބޮސްދޭ އަލިން ހަނދުވަރު މިލާ،
އުފަލެއް ގެނައި އަދު ހިތް މިލައި، ފިލުވާދެމުން ޝައްކުގެ ކިލާ.
______________
ގާތުގަވުމުން ލިބިދޭ ޝިފާ، ބާމެއް އެއީ މި ފުރާނަޔަށް،
ގާތުގައ ދެ ހިތް ވީ ވަޢުދުތައް، ސިއްރުން ދެކޭ އުދުހޭ ވިލާ،
އުފަލުން ނަށާ މޫދާ ވިލާ……
____________
ތިޔަ ބީހިލުން ކުޅެލާ މިރޭ، ނަފުސުގެ މިބަލި އިހުސާސްތަކާ،
ތިޔަ ހީލުމުން ހިތް އުތުރިދޭ، ޖަޒުބާތަކުން އަންދާނުލާ،
އުފަލުން ނަށާ މޫދާ ވިލާ…..
______________
އަރިހުގަ ވުމުން މިތުރާ މިރޭ، ނޫރެއް އައޭ ފުން ލޯތްބަކުން،
އަރިހަށް ވެދުން ކުރަމޭ މިހިތް، އަބަދަށްޓަކައި ޝަރުތެއް ނުލާ،
އުފަލުންނަށާ މޫދާ ވިލާ…..
********