1.5 ކެޓަޕިލާސް (ކޮކާލުގެ ލާވާ)
ކެޓަޕިލާއަކީ މަލާއި ކުދިކުރިތައް ކާއެއްޗެކެވެ. ކެޓަޕިލާއަކީ ކޮކާ ފަންޏެވެ. ކޮކާ އައިސް ފަތަށް ބިސް އެޅުމުން އެބިހުން ކޮކާ ފަނި އުފެދެއެވެ. ކެޓަޕިލާއަކީ ފަތް ކާއެއްޗެކެވެ.
ފިގާރ 1.8: ކެޓަޕިލާއެއް
1.6 ތްރިޕްސް
މިއީ ގާތްގަނަޑަކަށް 2-1 މިލިމީޓަރުގެ ދިގުކޮށް ހުންނަ އިންސެކްޓެކެވެ. މީގެ ލާވާ ހުންނަނީ ފެހި ނުވަތަ ރީނދޫ ކުދި ފަނިތަކެއް ހެންނެވެ. ތްރިޕްސް ވެސް ފަތުގެ ދިޔަ ބޮއެވެ. ސިލްވަރު ކުލަ އަރާ ކުދި ތިކިތަކެއް ފަތްތަކުން ފާޅުވާން ހުރެއެވެ. އަދި އޭގެ ހަށިގަނޑުން ބޭރުކުރާ ނަޖިސް ފަތުގެ ދަށުގައި ހުންނާނެއެވެ. މި ޕެސްޓް އެއްގަހުން އަނެއްގަހަށް ތަފާތު ވައިރަސް އުފުލައެވެ.
ފިގާރ 1.9: ތްރިޕްސްގެ ބާވަތެއް