1.4 ވައިޓް ފްލައިސް
ފިގާރ 1.7: ވައިޓް ފްލައިސް
ވައިޓް ފްލައިސް އާއި އޭގެ ލާވާތައް ދިރިއުޅެނީ ފަތުގެ ދަށުގައެވެ. މި ކުދި އިންސެކްޓްތައް ވެސް ފަތުގެ ދިޔަބޮއެވެ. އެފިޑް އަޅާފައިވާ ފަތްތަކުގައި ހުންނަގޮތައް ތަތްލާ ލޭޔާއެއް ފަތުގައިހުރެއެވެ. މިލޭޔާއަކީ ހަނީ ޑިއު އެވެ. މިއީ އޭފިޑްއެއް ނޫނެވެ. އެކަމަކު އެއާއި ވަރަށްކައިރިކުރާ އުދުހޭ އިންސެކްޓެކެވެ. މިއާއި މީލިބަގްސް ތަފާތުވަނީ މީގެ ފައިތަކާއި ހަށިގަނޑު ހުންނަގޮތެވެ. ޤުދުރަތީގޮތުން ބައެއްކަހަލަ އިންސެކްޓް ތައާރަފް ކުރުމުން ވައިޓްފްލައި ކޮންޓްރޯލް ކުރެވެއެވެ. މިގޮތުން ލޭޑީބަގާއި، ދޮންދޫނި (ޑްރެގަންފްލައި) ފަދަ ބާވަތްތަކެވެ.