އިންސާނާ އުފެއްދެވުން

   ބިސް ސްޕާމް އަދި ފާރޓިލައިޒޭޝަން – نطفه 

މައިމީހާއަށް ހައިޟުގެލޭގެ އަސަރު ފެންނަދުވަހުން ފެށިގެން ގާތްގަޑަކަށް 13 އާއި 15 ދުވަހާއި ދޭތެރޭގެ މުއްދަތެއްގައި އޯވަރީއިން ފުރާފުރިހަމަވެފައިވާ ބިހެއް ފެލޯޕިއަން ޓިއުބަށް ދޫކޮށްލައެވެ. ދެތިންދުވަހުގެ އުމުރުގެ މިބިހާއި (އޯވަމް) ހަމަޔަށް ބައްޕަގެ ފަރާތުން ދިރޭ ސްޕާމަކަށް ވާސިލްވެވި ބައްޕަގެ ސްޕާމްގެ ނިއުކްލިއަސްއާއި މައިމީހާގެ ބިހުގެ (އޯވަމް) ނިއުކްލިއަސް ގުޅިއްޖެނަމަ ދެން އެބިސް ފާޓިލައިޒް ވީއެވެ.

ތިރީގައިވާ ކުރެހުމުން ދައްކައިދެނީ ސްޕާމްތަކެއް ބިހެއްގެވަށައިލައި، އޭގެތެރެއަށް ވަނުމަށްޓަކައި މަސައްކަތް ކުރަމުންދާތަނެވެ. އާންމުކޮށް އެކަން ކާމިޔާބުކުރެވޭނީ އެއްމެ ސްޕާމަކަށެވެ. ފާޓިލައިޒްވުމަށްފަހު އިތުރު ސްޕާމަކަށް ބިހުގެ ތެރެއަށް ވަނުމަށް، އޭގެ މެމްބްރެއިން ހުރަސް އަޅައެވެ.

ބިހެއްގެ ވަށައިގެން ސްޕާމް- ސޯސް: tech.sina.com.cn

ކީރިިތި ޤުރުއާންގެ سورة الانسان ގެ 1 ވަނަ އަދި 2 ވަނަ އާޔަތުގައިވަނީ،

هَلْ أَتَىٰ عَلَى الْإِنسَانِ حِينٌ مِّنَ الدَّهْرِ لَمْ يَكُن شَيْئًا مَّذْكُورًا ﴿١﴾ إِنَّا خَلَقْنَا الْإِنسَانَ مِن نُّطْفَةٍ أَمْشَاجٍ نَّبْتَلِيهِ فَجَعَلْنَاهُ سَمِيعًا بَصِيرًا ﴿٢﴾

ނަންގަނެވިގެންވާ އެއްޗެއްކަމުގައި އިންސާނާ ނުވާ ޒަމާންތަކެއް، އެ އިންސާނާގެ މައްޗަށް އައިކަން ކަށަވަރެވެ (1). ހަމަކަށަވަރުން، އެއްކުރައްވާފައިވާ މަނިތިއްކަކުން، ތިމަންރަސްކަލާނގެ އިންސާނާ ހެއްދެވީމެވެ. (އެއީ) އޭނާ امتحان ކުރެއްވުމަށްޓަކައެވެ. ފަހެ، ކަންފަތަށް އިވޭ، ލޮލަށް ފެންނަ މީހަކު ކަމުގައި ތިމަންރަސްކަލާނގެ އޭނާ ލެއްވީމެވެ (2). (ޤުރުއާން،، 1-2 :76).

نطفه ގެ މާނަޔަކީ “drop” ނުވަތަ ތިއްކެކެވެ. މިބަސް ފިރިހެނާގެ ސްޕާމް ނުވަތަ އަންހެނާގެ ބިހަށް ނިސްބަތްކޮށްވެސް ބޭނުންކުރެއެވެ. ކީރިތި ޤުރުއާންގެ سورة الانسان ގެ 2 ވަނަ އާޔަތުގައި نطفة أمشاج އައިސްފައިވާތީ އަދި امشاج ގެ މާނަޔަކީ “އެއްވެފައިވާ އެއްޗެއް (mixtures)” ކަމުގައިވާތީ،  نطفه މަރުޙަލާއަކީ ސްޕާމާއި ބިސް ފެލޯޕިއަން ޓިއުބުގައި ގުޅި ޒައިގޯޓް އުފެދޭ މަރުހަލާއަށްވުން ގާތެވެ. އެޙާލަތުގައި نطفه ގެ މާނަޔަކީ ފާޓިލައިޒް ވެފައިވާ ބިހެވެ. އަދި އެބިސް ލޮލަށް ނުފެންނަހާ ކުޑަވުމާއެކު ތިއްކެއްގެ ގޮތުގައި ބަޔާން ކުރެވިފައިވަނީ ކަމަށްވެދާނެއެވެ.  ފާޓިލައިޒޭޝަންއަށް އެކަށީގެންވާ މާޙައުލެއް ޤާއިމްވެގެންދަނީ ފިރިހެނާގެ ސްޕާމް ހުންނަ ސެމެން އާއި އަންހެނާގެ ސެކްރީޝިއަންގެ އެހީތެރިކަމާއި އެކުގައެވެ. ފެލޯޕިއަން ޓިއުބުގެ މެމްބްރޭންގެ ލައިނިންގ އިން ދޫކުރާ ދިޔައިގައި ހުންނަނީ ސޯޑިއަމް، ކެލްސިއަމް، ކްލޮރައިޑް، ގުލުކޯޒް، ޕްރޮޓީން، ބައިކާބަނޭޓް އަދި ލެކްޓިކް އެސިޑެވެ. ސްޕާމް އޮކްސިޖަންބޭނުންކުރުމަށާއި ފާޓިލައިޒްވާ ބިހުގެ ހެދި ބޮޑުވުމަށް ބައިކާބަނޭޓާއި ލެކްޓިކް އެސިޑަކީ  މުޙިއްމު ދެއެއްޗެވެ. ބިހާއި ސްޕާމްގެ ކާނާ (ނިއުޓްރިއެންޓްސް) އަކީ ގުލުކޯޒެވެ. ދެންހުންނަ ކެމިކަލްތަކުން ބިސްފާޓިލައިޒް ވުމުގެ މާޙައުލެއް ޤާއިމުކޮށްދެއެވެ. (ހަފްމަން، 2018). ފިރިހެނާގެ ދިޔައިގައި (ސެމިނަލް ފްލުއިޑް) ރިޕްރޮޑަކްޓިވް ޓްރެކުން ދޫކުރާ ތަފާތު ފުލުއިޑްތައް ވެއެވެ. އެންމެބޮޑުބޭނުމަކީ ސްޕާމް ދިރިބެހެއްޓުމާއި ބިހާ ހަމަޔަށް ވާސިލްވެވޭނޭ ވެއްޓެއްގާއިމް ކޮށްދިނުމެވެ. މިގޮތުން %60 ކެމިކަލްއަކީ ސެމިނަލް ވެސިކަލް އިންދޫކުރާ ފްރުކްޓޯސް،  އެމިނޯ އެސިޑް، ސިޓްރިކް އެސިޑް، ފޮސްފޮރަސް، ޕޮޓޭސިއަމް އަދި ހޯމޯނެއެވެ. އަދި އޭގެއިތުރަށް %30 އަކީ ޕްރޮސްޓޭޓް ގްލޭންޑުން ދޫކުރާ ސިޓްރިކް އެސިޑް، ފޮސްފޭޓް، ކެލްސިއަމް، ސޯޑިޔަމް، ޒިންކް ޕޮޓޭސިއަމް އަދި އެންޒައިމެވެ.

ކުރީގެ ޢިލްމުވެރިންގެ (ކްލާސިކަލް ސްކޯލާރސް) ޤުރުއާން ތަރުޖަމާތަކުގައި نطفه ގެ މާނަ  “މަނިތިއްކެއް” ގެ ގޮތުގައި ލިޔުއްވާފައިވާއިރު ފަހުގެ ތަރުޖަމާނުން “ޒައިގޯޓު” ގެ މާނަދޭހަވާގޮތައް, “drop” ލިޔުއްވާފައިވެއެވެ. ދިވެހި ތަރުޖަމާގައިވެސް نطفه ގެ މާނައިގެ ގޮތުގައި ބަަލައިފައިވަނީ “މަނި ތިއްކެއް” ގެ ގޮތުގައިކަން ފާހަގަ ކޮށްލަންޖެހެއެވެ. އެހެންކަމާއެކު  މިގޮތުން މަތީގައިވާ އާޔަތް ބައެއް ބޭކަލުން ތަރުޖަމާ ކުރައްވާފައިވާގޮތް ތިރީގައި މިވަނީއެވެ. ސައިންޓިފިކް ގޮތައް ބަލާއިރު “drop” އަކީ “މަނިތިއްކަކަށް” ވުރެ ރަގަޅު މާނައެއްކަމަށް ބެލެވެއެވެ.

Verily We created man from a sperm yoked (to the ovum) to bring out his real substance, then gave him hearing and sight. (Quran, 76.2)-Ahmed Ali Indeed We have created man from mixed semen; in order to test him – We therefore made him hearing, knowing. (Quran, 76.2)-Ahmed Raza Khan Indeed, We created man from a sperm-drop mixture that We may try him; and We made him hearing and seeing.  (Quran, 76.2)-Saheeh International

ابن کثير މިއާޔަތުގެ ކޮމެންޓްރީ އެކަލޭގެފާނުގެ ތަފްސީރުގައި ދެއްވާފައިވަނީ ތިރީގައިވާ ގޮތަށެވެ.

Verily, We have created man from Nutfah Amshaj, meaning, mixed. The words Mashaj and Mashij mean something that is mixed together. Ibn `Abbas said concerning Allah’s statement,

﴿مِن نُّطْفَةٍ أَمْشَاجٍ﴾

(from Nutfah Amshaj,) “This means the fluid of the man and the fluid of the woman when they meet and mix.” Then man changes after this from stage to stage, condition to condition and color to color. `Ikrimah, Mujahid, Al-Hasan and Ar-Rabi` bin Anas all made statements similar to this. They said, “Amshaj is the mixing of the man’s fluid with the woman’s fluid.”[8] Tafsir Ibn Kathir on 76:2

އިންސާނާގެ ހަށިގަނޑުގެ އެކިގުނަވަންތައް ބެލުމުގައި މިޒަމާނުގައި ތަފާތު އެންގަލުން ސްކޭލްކޮށްހަދައެވެ. މިގޮތުން ހަށިގަނޑުގެ ކުރިމަތިންނާއި ބިއްދޮށުންނާއި އަދި ހުރަސްކޮށް ސްކޭންކުރެވެއެވެ. MRI އަކީ އަޅުގަނޑުމެންނަށް އެޤާބިލްކަން  ލިއްބައިދޭ ޓެކްނޮލޮޖީއެކެވެ. ފިރިހެނާގެ ސެކްރީޝަންގައި ހުންނަނީ ކުރިންދެންނެވިހެން ވަރަށް ގިނަބާވަތްތަކެވެ. %90 އަކީ ސެމިނަލް ވެސިކަލް އާއި ޕްރޮސްޓޭޓް ގްލޭންޑުން އަންނަ ފްލުއިޑްއެވެ. ވުމާއިއެކު ޓެސްޓިސްތަކުން އަންނަ ސްޕާމް އަކީ ނިސްބަތުން ކުޑަމިންވަރެކެވެ. ތިރީގައިވާ ދެފޮޓޯއިން ދައްކައިދެނީ ފިރިހެނެއްގެ ޕެލްވިސްގެ ކްރޮސް ސެކްޝަންއެވެ. މިދެތަސްވީރުން ސެމިނަލް ވެސިކަލް އާއި ޕްރޮސްޓޭޓް ފެނެއެވެ. މި ކްރޮސް ސެކްޝަންގައި ޓެސްޓިސް ނުފެނުނަސް އެ ވެސް އިންނާނީ ޕްރޮސްޓޭޓް ގެ ތިރީގައެވެ. ވުމާއެކު މި އެންގަލުންބަލާއިރު ފިރިހެނާގެ ސެކްޝުއަލް ޑިސްޗާޖް އަންނަނީ سورة الطارق ގެ 5 ވަނަ އާޔަތުން 7 ވަނަ އާޔަތުގެ ނިޔަލަށް ނަންގަނެވިގެން ވާގޮތަށް، މޭމަތީގެ ކަށިތަކާއި މައިކައްޓާއި ދެމެދުންނެވެ. އިންސާނާ އޭނާގެ އަމިއްލަ ލޮލުން ބަލަންޖެހޭނީ ތިރިއަށް ކަމުގައިވާތީ އެ އެންގަލުން މެދުވާނީ މިސަރަހައްދެވެ.                                        .

   

ސެމިނަލް ވެސިކަލްއާއި ޕްރޮސްޓޭޓް MRI ގެ މެދުގައި. ސޯސް- w-radiology.com

فَلْيَنظُرِ الْإِنسَانُ مِمَّ خُلِقَ﴿٥﴾ خُلِقَ مِن مَّاءٍ دَافِقٍ ﴿٦﴾ يَخْرُجُ مِن بَيْنِ الصُّلْبِ وَالتَّرَائِبِ ﴿٧﴾

ފަހެ، އިންސާނާ، އޭނާ ހައްދަވާފައިވަނީ ކޮންއެއްޗަކުންކަން ބަލައިފާ ހުށިކަމެވެ! (5–6) އޭނާ ހައްދަވާފައިވަނީ، މައިކަށްޓާއި، މޭމަތީގެ ކަށިތަކާ ދެމެދުން ނިކުންނަ، ގަދަޔަށް އޮހޮރިގެންދާ ފެނަކުންނެވެ. (7) (ޤުރުއާން، 7-30:5)

Let man consider what he was made of: (5) He was created of spurting water (6) Issuing from (the pelvis) between the backbone and the ribs. (7)- Ahmed Ali

الخلق (creation) އަކީ އިންސާނެއްގެ ފެށުމެވެ. ފާޓިލައިޒޭޝަންގެ ތެރޭ މައިންބަފައިންގެ ފަރާތުން 23 ޖޯޑު ކްރޮމޮޒޯން އެކުލެވިގެންވާ ފުރަތަމަ ސެލް އުފެދުމާއި އެކު ކުރިން ދުނިޔޭގައިނެތް އަދި ނަންގަނެވިފައިނުވާ އިންސާނެއް خَلْق ވީއެވެ. މުސްތަޤްބަލްގައި އެއިންސާނާގެ(ފީޓަސްގެ) ކިބައިގައި ހުންނަންޖެހޭ ހުރިހާ ސިފަތަކެއް ޖެނެޓިކްގޮތުން ޕޮރޮގްރާމް ކުރެވި، މި މަޢުލޫމާތު އަލަށް އުފެދުނު ސެލްގެ ޑީއެންއޭ (ޖީނޯމް) ގައި ރައްކާކުރެވުނީއެވެ. މިއީ تقديرކުރެއްވުމެވެ. މިހާ ހިސާބުން އެމްބްރޮޔޮނިކް އުމުރު ފެށުނީއެވެ. ފުރަތަމަ ދެހަފްތާގެ މުއްދަތަކިޔަނީ ޖާމިނޭޝަން މުއްދަތެވެ. (މޯ، ޒިންދާނީ އަދި އަޙްމަދު، 2000).