ވެލީގައި ހައްދާ ގަސްގަހަށް ބޭނުންވާ ކާނާ ތައްޔާރު ކުރުމާއި ބެލެހެއްޓުން

2 އޯގަނިކް ފާޓިލައިޒާ -ކޮމްޕޯސްޓް ހަދާނެގޮތް

ގަހަށް ބޭނުންވާ ކާނާ ދެގޮތަކަށް ދެވިދާނެއެވެ. އެއް ގޮތަކީ ކެމިކަލް ފާޓިލައިޒާ ބޭނުންކުރުމެވެ. ކެމިކަލް ފާޓިލައިޒާ ބޭނުންކުރުމުން ތިމާވެއްޓަށް އޭގެ ނޭދެވޭ އަސަރުކުރެއެވެ. ވާރޭފެނާއެކު ފެން ފަށަލައަށް ވާސިލްވެ ފެން ތަޤައްޔަރުވެއެވެ. އަނެއްގޮތަކީ ކޮމްޕޯސްޓް ނުވަތަ އޯގަނިކް ފާޓިލައިޒާ ބޭނުންކުރުމެވެ. ފިހާރަތަކުން ތައްޔާރުކޮށްފައިވާ ފާޓިލައިޒާ ގަތުމެވެ. ނުވަތަ އަމިއްލައަށް ތައްޔާރުކުރުމެވެ. އޯގަނިކް ފާޓިލައިޒާގައި އެކުލެވިގެންވަނީ މަރުވެފައިވާ ޖަނަވާރާއި ގަސްގަހާގެހި ވީރާނާވެގެން އުފެދޭ ތަކެއްޗާއި ދިރޭ ޖަނާވާރާއި ސޫފާސޫފީގެ ހަށިތަކުން ބޭރުވާ ނަޖިހާއި މިފަދަތަކެއްޗެވެ. ކޮމްޕޯސްޓް ތައްޔާރުކުރުމަކީ އަގުހެޔޮ ސިއްޚީ ގޮތުންވެސް ރަގަޅު ގޮތެވެ. ތިރީގައި ބުނެދީފައިވަނީ އޯގަނިކް ފާޓިލައިޒާ ހެދޭނެގޮތެކެވެ.

1 މަތި ޖެހި ބޮޑު ބާލިދީ އެއް ނުވަތަ ދަވާދު ފާޓާއެއް ފަދަ އެއްޗެއް ހޯދާ ސާފުކުރުމަށްފަހު އެއަށް ވައިވަންނަ ގޮތަށް ލޯވަޅު ތޮރުފާށެވެ، ބުރުމާއެއް ނެތްނަމަ ނަރުކެނޑިއެއް ބޭނުންކޮށްގެން އުދުނުން ފަލަ މޮހޮރެއް ހޫނުކޮށްފައި ލޯވަޅު އަޅާށެވެ. މި ލޯވަޅުތައް މުޅި ބާލިދީގެ ވަށައި އަޅާށެވެ.  

2 ދެން ބާލިދީގެ އަޑިޔަށް ފެހިފަތާއި ފެހި ވިނަޔާއި ބަދިގެއިން ބާކީވާ ދޮންކޭލާ ބިސްތޮށިފަދަ ތަކެތި އަޅާށެވެ. މަހާއި ބަތްފަދަ އަވަހަށް ކުނިވެ، ވަސްދުވާ ތަކެތި ނާޅާށެވެ، 

3 އޭގެ މައްޗަށް 2 ގުަނަ ނުވަތަ 3 ގުނަޔަށް ހިކިފަތާއި ޓިޝޫފަދަ ކަރުދާސް އަޅާށެވެ. މިލޭޔަރުގެ މައްޗަށް ކޮންމެވެސް ވަރަކަށް ވެލި އެޅުމަކީ ވެސް ރަނގަޅުކަމެކެވެ، އޭގެ ސަބަބުން ޑީކޮމްޕޯސާސް ބާލިދީގައި ގިނަވާނެއެވެ.

4 ދެން އޭގެމައްޗަށް ކޮންމެވެސް ވަރަކަށް ފެންޖަހައި ތެއްމާލާށެވެ. މާގިނައިން ފެން ނާޅާށެވެ.

5 މިގޮތަށް “ގްރީންސް” އަދި “ބްރައުންސް” ލޭޔަރުތައް ތަކުރާރުކޮށް ބާލިދީ ފުރެންދެން އަޅާށެވެ.

6 ކޮމްޕޯސްޓް ބާލިދީއަށް ދެދޭތެރެއިން ކޮންމެވެސް ވަރަކަށް ފެންޖަހާ އަވިދޭތަނެއްގައި ބަހައްޓާށެވެ. 2-3 ހަފްތާއަކުން އޭގައި ހުރިތަކެތި ފުރޮޅާ ވައި ދައުރުކުރާގޮތަށް ހަދަން ޖެހޭނެއެވެ.

6 ތައްޔާރުވެ ނިމިފައި ހުންނަ ކޮމްޕޯސްޓް ހުންނާނީ ކަޅުކުލައަށް ބަދަލުވެފައެވެ، މިކަމަށް 2-3 މަސް ނަގާނެއެވެ. 

ކޮމްޕޯސްޓް ތައްޔާރުކުރުމަކީ ދާއިމީކޮށް ގަސްހައްދާ މީހުންނަށް ކުރެވިދާނެކަމެކެވެ. ދަނޑުވެރިންނަމަ ބިންމަތީގައި ކޮމްޕޯސްޓް ފުންޏެއްގެ ގޮތުގައިވެސް ހެދިދާނެއެވެ، ކޮމްޕޯސްޓް ތައްޔާރުކުރުމަށް ވަޤުތު ނަގާތީ ރާއްޖޭގެ ގިނަމީހުން ފިހާރަތަކުން ތައްޔާރުކޮށްފައި ހުންނަ ކޮމްޕޯސްޓް ބޭނުންކުރެއެވެ. މިސާލަކަށް “ޔުނިގްރޯ” އެވެ.