2 އެކުއަޕޯނިކްސް ބޮޑު ސިސްޓަމެއް ހަދާނެގޮތް
އެކުއަޕޯނިކްސް ބޮޑު ސިސްޓަމެއްގައި މަސްޓޭންކާއި ފިލްޓަރުކުރާ ސިސްޓަމް ހުންނަންޖެހެނީ ވަކިންނެވެ. މިކަމުގެ ގިނަ މާހިރުން ވިދާޅުވާގޮތުންނަމަ ޑީޕްވޯޓާރ ކަލްޗަރ ސިސްޓަމާއި (DWC) ގްރޯ ބެޑްތަކުގައި ހަޤީގަތުގައި ބަޔޯ ފިލްޓަރު ބޭނުމެއް ނުވާނެއެވެ. ޚާއްސަކޮށް ގްރޯ ބެޑް ހުންނަ ސިސްޓަމްތަކުގައެވެ. މި ޚިޔާލުގެ މީހުން ހާމަކުރާގޮތުގައި ބެކްޓީރިޔާ އާލާވާނެ އެކަށީގެންވާ ސާފޭސް އެއް ލިބޭނަމަ އިތުރު ފިލްޓަރުތަކެއް ބޭނުމެއް ނުވާނެއެވެ. ގަސްތަކުގެ މުލާ ސިސްޓަމްގެ އެތެރެފަރާތާއި ގްރޯއިންގ މީޑީއާ އަކީ ހައްތާވެސް ސާފޭސް އޭރިއާ ކަމުގައެވެ. އަދި ފެންގަނޑު ކިލަނބުވުމާއި ނުސާފުވުން، މަހައްދެވޭ ކާނާގެ މިންވަރުން ކޮންޓްރޯލް ކުރެވޭނެ ކަމުގައެވެ. ނަމަވެސް އެހެން ތަޖުރިބާކާރުން ފިލްޓަރު ބޭނުންކުރަން ޖެހޭނެކަން ހާމަކުރެއެވެ. އަދި އެހެންމެ ތަފާތު ބާވަތްތަކުގެ ފިލްޓަރު އުފައްދާ ކާމިޔާބުކަމާއެކު، އެކުއަޕޯނިކްސް ސިސްޓަމްތަކުގައި ބޭނުންވެސް ކުރެއެވެ. ޚާއްސަކޮށް NFT ސިސްޓަމްތަކުގައި ސާފޭސް ކުޑަވުމުން މިކަން އަމަލީގޮތުން ކުރާ ގިނަމީހުން ފިލްޓަރު ބޭނުން ކުރެއެވެ،