ލައިރިކްސް

ލިޔެދޭނަމޭ ތި އަތުގައި އެދެވޭ ވަރެއް ތި ޔާރާ
މުޙައްމަދު ޖަމީލް (01/09/20022)

ލިޔެދޭނަމޭ ތިއަތުގައި، އެދެވޭ ވަރެއް ތިޔާރަށް،
ތި ދެކޭ އެ ފޮތިވިލާތައް، ކުރުނީސް ކުރޭ ތިބާއަށް،
ލަދުރަކިވެ އިން ތިތޯތާ، އަދު ހީލުމަށް އެދޭތޭ’
ހަނދުވަރުގެ ފަނޑު އަލީގައި، ސަނދުވާގެ މަލުގެ ދަށުގައި.
************
ޝަބްނަމްގެ ތިކިތަކުން ފަތް، ގަސްތަކުގެ ނަލަވެ ީނަތް،
ހަނދުވަރު ގެނައި ބަހާރެއް ، ކިޔައޭ އެމަރުޙަބާއެއް،
ތިޔައީ މި ހިތުގެ ދިރުމޭ، ތިޔައީ މި ލޮލުގެ ފެނުމޭ،
ތިޔަހިތުގެ މިލްކުވެރިކަން، ލިބުމަށް އެދެން މަ އަދުގައި،
ލިޔެދޭނަމޭ ….
________
އާޝޯޚުވޭ އެ ގުރަހާ ފެނިފައި މިރޭ ތި ޒަހުރާ
އާ ރޯކަމެއް މިކައުނުގަ، އައުމުން ހަނދުގެ އަލީގައި،
ތިޔައީ އަޖައިބެކޭ ހަމަ، ޤުދުރަތުގެ މޮޅިކަމޭ ހަމަ،
ތިޔަތޫނު ލޮލުގެ ނަޒަރުން، ހޭލީ މި ޙިއްސު އަދުގައި،
ލިޔެދޭނަމޭ ……
_________
ކުދިރާޅުތައް އެ ބީއްސާ، ދޮންވެލި އެ ތުނޑި އެވިއްސާ،
ކުދިދޫނިތައް މިތަނުގައި، ލަވަތައް ޖަހާ މިރޭގައި،
ފިނިކަންދެޔޭ ލަޠީފީ، ފިރުމާލުމުން ޙަބީބީ،
ހިނިތުންވެލާށެ ދޫންޏާ، ފިނިފެން މަލުގެ މަތީގައި،
ލިޔެދޭނަމޭ……
*********************************