ޙަޔާތުގެ ނައު
މުޙައްމަދު ޖަމީލް (ޖުލައި 2025)
ޙަޔާތުގެ ނައު ބަނދަރުކޮށްފައި، އޮތީ ދުނިޔޭގެ ފުންކަނޑުގައި،
ވަޔާއެކު އަންނަ ތޫފާނުން، ނަގިލި ކެހިގެން އެދާގޮތުގައި.
ނިކަން ބުރަކޮށް މަސައްކަތްކޮށް، ނިކަން އުފަލުގަ އުޅެން ހިތިޔަސް
އެކަން ވެދެޔޭ ބިލާހެއްކަން، ޤަބޫލުކުރަން ޖެހޭ ގޮތުގައި،
ދަރިންގިނަޔަސް މުދާ ގިނަޔަސް، ވިޔަސް ފައިސާ އެތައް ބޭންކުގަ،
ބަލިން ދޭހޭ ކިހާ މީހުން، އެ މޮޅު ބޭސްބޭސް ފެއިލްކޮށްފައި،
ތިމާކުރި މޮޅުކަމެއް އޮތަކަސް، ތިމާގެ އަބުރު މަތިވިޔަކަސް،
ތިމާމޮޅު ނަސްލަކުން އަޔަކަސް، ނެތޭ ހުރެވެން މިދުނިޔޭގައި،
ކުރާ ޢަމަލެއްމެ ހެޔޮނިޔަތުގަ، ކުރާއަޅުކަން އެ ހެޔޮގޮތުގައި،
ކުރާފައިދާ އެއިން ނެ ތިމާ، އޮތީ އާޚިރު ފަހުން އުހުގައި،
********************
ފުރިހަމަ ތިބާގެ ޚުލްގުން ޒީނަތް މަ ވެސް ތިކޮށްދިން
މުޙައްމަދު ޖަމީލް (2024)
ތިޔައޭ ސަބަބު ބަދަލުތައް، މޫސުންތަކަށް އިޔާދަވި،
ތުޔައޭ ޚަރީފު މޫސުން، މި ބަހާރަކަށް ގެނަސްދިން،
ތިޔައޭ މަގޭ ޙަޔާތުގެ، އެކުވެރިއަކީ މި ދުނިޔޭ،
ތިޔަ ވިސްނުމޭ މަ ފުރިހަމަ، މީހެއްކަމަށް ހަދައިދިން،
އުއްމީދުތައް މި އާކޮށް، ހިތްވަރުކުރަން މެ ބުނެދިން،
ދުށް މީ ވަޤުތު ޙަޔާތުގަ، ވެއްޓުނު ކޮޅަށް ޖަހައިދިން،
ދަސްކޮށްދިނޭ އަޅާލާން، ޙިއްސާކުރަން މެ ކަންކަން،
ދަސްކޮށްދިނޭ މި އޯގާ، ތެދުވެރިވުމަށް ކިޔައި ދިން،
އަރިހުން ތިބާގެ ދަސްވީ، ވާންވީ މި ލޯބި ކިހިނެއް،
ފުރިހަމަ ތިބާގެ ޚުލްގުން، ޒީނަތް މަ ވެސް ތިކޮށްދިން.
މޯލްޑިވްސް ގެ ހަނދާން..
މުޙައްމަދު ޖަމީލް (2024)
ނެތޭ ހަމަ ވިލާ އުޑު މަތީގައި އެރޭ،
ގެތޭ ހާރަކުން ފިޔަޖަހާ ތަރި އެރޭ،
އޮތޭ ލިޔެވިނަން ތުނޑި ވެލީގައި އެރޭ،
ދެކޭ ހިތްވެ ރާނީ ނަޒަރު ދުށް އެރޭ.
**********
ކުޅޭ ޝަރަފުގައި ރާޅުތައް ސިންފަނީ،
އުޅޭ ކޮވެލި ރޭ ލަވަޖަހާ ހާމަނީ،
ގުޅޭ ރޯޅިވައި ގަސް އެ ރުށް ނަށުވަނީ،
ދެކޭ ހިތްވެ ރާނީ ………………….
____________________
އަނދިރި އަލި ކަމާ ރޭގެ ފުރިހަމަ ކަމާ،
އުތުރި ހިތް އުފާވެރި އެ ހަނދުވަރު ލުމާ،
އަތިރި އަލި ރެދަން ރީތިލައިފައި ވުމާ،
ދެކޭ ހިތްވެ ރާނީ ………………….
________________________
ބުނީމޭ އެ މޯލްޑިވްސް އެހާރީތިކަން،
ބުނީމޭ ހަދާނުން ނުދާނޭ އެތަން،
ގުނީމޭ ދުވަސް ދާން ދަތުރުކޮށް ދެކެން،
ދެކޭ ހިތްވެ ރާނީ ………………….